Notas de lectura
Goteta o los camins de la vida
Max Roqueta..
libre-CD
Ref : 34048E03. 12 euros

Aqueste libre es la reedicion de Goteta, paregut en 1987 al CDDP de Losèra, resulta d'un trabalh menat amb d'escòlas de Losèra, sul tèma de l'aiga, trabalh seguit per Max Roqueta, qu'escriguèt l'istòria de la Goteta a partir des escriches dels escolans.

Un trabalh de circonstància donc, endralhat dins una amira pedagogica: mostrar los camins de l'aiga, camins de la vida, e far somiar dels monds que l'aiga, de tota eternitat, lor dona vida. E pasmens l'univèrs de Max Roqueta es aquí tot entièr. De segur lo tèma dels monds entrebescats e secrets l'inspira. Es sieu, travèrsa son òbra. Dins Goteta, coma dins Verd Paradis, coma dins Tota la sabla de la mar, o dins La cèrca de Pendariès, lo real, vesedor o amagat, passat o present, es un encantament : las èrsas de la mar, lo còr franciscan dels aucèls, lo païsatge umanizat, los cants dels trobadors, lo formiguièr de las ensenhas... Goteta dins sas metamorfòsis participa de tot çò que viu, òme, bèstia, tèrra, arbre. Es una fòrça poëtica, metaforica, passa d'un mond a l'autre, fa lo ligam entre las estelas e las formigas, coma entre las venas del còs e las de la tèrra o del racinum.

Un libre de tornar descobrir e far descobrir als escolans.

Tèxtes enregistrats e activitats pedagogicas sus lo sit del CRDP:
www.crdp-montpellier.fr/occitan

Commande auprès du CRDP
Allée de la Citadelle - CS29003
34064 Montpellier Cedex 2
Téléphone : 04-67-60-04-50
Télécopie : 04-67-60-04-51

Ce produit peuvt être directement commandés et payés en ligne
(paiement sécurisé, livraison sous 48 h.)
www.crdp-montpellier.fr/librairie

Lenga e país d'òc, n°45, page 77 (06/2006)
Lenga e país d'òc - Goteta o los camins de la vida