Tèxtes

Concors Bestiari

Projècte academic de 2006

Dins lo projècte pedagogic de 2006, dins l'acadèmia de Montpelhièr, sus lo tèma del Bestiari, un concors èra prepausat als collegians e liceans. La produccion demandada èra una fòto originala d'animal amb una legenda, de preferéncia manlevada a la literatura occitana. Mas en plaça de las citacions d'autors, mai d'un volguèron escriure una legenda personala...De las classas que participèron reçaupèrem una granda varietat de causas polidas, que mostravan que lo tèma del Bestiari permetiá als joves de s'exprimir sus lor relacion al mond animal, d'un biais a l'encòp tendre e risolièr. Ne podèm donar aquí qu'un escapolon, mas metrem d'autras produccions sul sit del CRDP : http://www.crdp-montpellier.fr/occitan/index.htm

Escolans del collègi de la Regordana, Genolhac

"Lo Bortomióu, es vertat,
èra una bèstia de primièra pel trabalh.
Èra un ase pelut, fòrt e valent."

Catinou e Jacouti

"Ajocatz-vos plan, espiatz,
ça ditz lo guit".

J.-B. Laforgue

Escolans del collègi Joseph Vallot, Lodèva

Ludovic Baldare, Baptista Lopez, Marion Augé.

Biscòta a cinc ans.
Li agrada la caça e aima plan de manjar los passerats. Mas se regala mai que mai de rosigar d'òsses gròsses que los avèm a cò del maselièr !
Doblidetz-pas que se ditz : "A bon chin, bon òs"
e tanben "Los chins s'en van d'aquí ont i a ges de pan" ,
o encara "Lo chin del jardinièr refusa de manjar los caulets"!

"Una agaça, aquò's polit !
Aquò vòla de pertot !
Aquò fa son crit "agaç agaç agaç !".
La màger part del temps
Aquò te manleva tot...
Mas çò pièger
Es que jamai non te tòrna res !
Mon agaça panaira
Mon agaça negra e blanca, polida !"

"Balin balan
La tartugueta
Ven de la fèsta
Balin-balan
Mai a begut
Tròp de vin pur
Balin-balan
La tartugueta
A mau de tèsta
Es empegada
Es emmascada
Camina pus."

Florian Vernet

Mas non ! ma tartuga es pas una
tartugueta, s'apèla Charly,
es un mascle de sièis ans.

Escolans del licèu Chaptal de Mende

"Quand vesi dins la campanha
Una pastora en boton
Ieu li jògui, a qui pèrd ganha,
Un poton contra un moton"

Ramon Busquet

"...De ieu tout lo mond ririá
e m'apelarián la Galina ..."

Antòni Bigòt

"Arri, arri, chivalet
per la fièra dau Colet,
dau Colet a l'Espital
fèrra, fèrra, mon chival.
Se mon chival se desfèrra,
Anarem pas a la guèrra.
Patatric! Patatrac !
Mon chival es desferrat !"

"Chin de raça, chin de caça."

Lenga e país d'òc, n°45, page 73 (06/2006)
Produccions d'escolans.
Lenga e país d'òc - Concors Bestiari