Notas de lectura
Enseigner l'occitan au cycle 3
Ouvrage collectif coordonné par Claire Torreilles. Auteurs: Gilles Arbousset, Chantal Canal, André Clément, Francis Escudier, Marc-André Jullian, Yves Séguier..
collection "Outils pour les cycles", CRDP-Académie de Montpellier, 2005.

"Cet ouvrage est conçu comme une invitation à bâtir une progression personnelle à partir de situations et de supports variés" se pòt legir sus la quatrena de cubèrta; mas pòdi dire qu'es ben mai qu'aquò! Es un libre agradiu, polit e fòrça preciós perque dona d'explicas precisas e detalhada per ben menar las sesilhas e las sequéncias au cicle 3. Urós ensenhaires que pòden utilizar aqueste obratge e urós escolans que reçaubràn aital la lenga!

Dedins s'i tròban daus biais de faire, tant a destinacion dels professors d'escòla començants coma pels que navegan ja d'aise amb lors utís e lor saubre-far personau. Lo contengut de la "table des matières" mòstra plan la riquesa dels domènis tractats: "organiser des séances, évaluer, les rituels, le dialogue, la bande dessinée, le conte, les jeux, le chant, la poésie, l'album, la musique". I son presentadas d'activitats incitativas a la creacion personala per l'ensenhaire

Tot i es per conduire un ensenhament de lenga en cicle 3. Las comptinas, los chants i son clarament expausats per lor interès pedagogic: formar l'aurelha e favorizar l'escota, memorizar, s'implicar dins un grope e acquesir la lenga. Dins lo capítol sus los juècs i trobaretz lo "jòc del solelh" -juèc de taula e de paraula- lo "jòc de las quilhas de uèit", lo "jòc del tap", lo "tambornet" que son activitats de defòra que permeton la trasmisson dau jòc per sa practica en utilisant la lenga.

E quitament i a d'activitats que se pòdon far encara en 6a, segon lo public d'escolans concernit: lo conte, la benda dessenhada (que permeton una entrada segura dins l'escrich per lo biais de la lectura), la musica. Aquela partida, per exemple, en presentar los diferents objectius (lengatgièr, linguistic, cultural e las competéncias transversalas) desmòstra coma se pòt a l'encòp parlar en occitan e acquesir una cultura istorica e musicala que permet de bastir d'apprentissatges que seràn re-utilizats en classas de 5a en collegi!

L'ensemble es plan documentat (las cubèrtas de mantuns obratges citats i son fotografiadas) e las bibliografias fan lo torn dels obratges interessants a destinacion dels escolans del primari dins aquel domèni. Aquel obratge convida l'utilizator a una reflexion sus sa practica pròpia a partir d'exemples analizats puei dubèrts sus d'autres documents que se pòdon aisidament trobar. Lo libre conten un CD audio per ajudar l'ensenhaire e se pòt tanben utilizar directament en classa. Los autors an elegit de bon materiau conegut dins las classas del primièr gras: Turlututú, D. Loddo, Cordae-La talvèra,1997 e Canta canta neneton de M.-J. Fages-Lhubac e J. Ubaud, Modal 2002 e an utilizat las soas votz per "sonorizar" las activitats (dialògs, rituals, provèrbis eca ).

La pedagogia desvolopada s'apieja sus lo metòde Artigal per lo, biais de donar la lenga en "bastir un territòri partatjat", metòde que comença d'espelir e de prene granda plaça dins l'ensenhament de l'occitan.

Dominique Decomps.

Lenga e país d'òc, n°44, page 103 (01/2006)
Lenga e país d'òc - Enseigner l'occitan au cycle 3