Tèxtes

Una sequéncia a l'entorn d'un tablèu

"Lo miracle del libre"

Gilles Arbousset

La sequéncia a per objècte la reflexion sus de documents autentics, un tablèu (o quadre) e dos tèxtes. Permetrà d'introdusir a un periòde important de l'istòria occitana, la Crosada contra los Albigeses, en soscar a l'origina religiosa del conflicte, mas sens explicas istoricas magistralas. L'escolan descobrirà d'esperel, amb la guida del professor, un sens a de documents que va legir e comparar.

  • Document 1 : detalh de la predèla del retaule del Couronnement de la Vierge, Fra Angelico, Paris, Musée du Louvre, reprodusit dins Oc-Ben! deuxième année d'occitan, livre de l'élève, unitat 22, pagina 122.
  • Document 2 : tèxt trach de Histoire Albigeoise, Pierre des Vaux-de-Cernay.
  • Document 3 : tèxt trach de Saint Dominique, La légende noire, Michel Roquebert.

Document 1: una sòrga

Detalh de la predèla del retaule Le couronnement de la Vierge conegut jol nom de La dispute de saint Dominique et le miracle du Livre o Le miracle de Fanjeaux de Fra Angelico, musèu del Louvre, Paris, pichon format sus fusta, sègle xv, musée du Louvre, Paris, bois, 213 H, 211 L.

Le miracle du livre, Fra Angelico, détail de la prédelle du retable du "Couronnement de la Vierge", musée du Louvre, Paris, XVe siècle.

Pel professor: lo tablèu Lo miracle del libre dich tanben de còps Lo miracle del fuòc, es un document mesconegut mas plan interessant per parlar de la Crosada contra los Albigeses.

Abans la fasa militara de la Crosada contra los Albigeses, la Glèisa catolica (lo Papa Innocent III, sant Domenge...) temptèt amb l'arma de la predicacion, de faire tornar "lo país eretic" (per reprene los mots de Guilhèm de Tudèla), los qu'èran atraches per "l'error capborda", per "l'eresia", sul camin de la vertat.

Lo moment evocat dins l'òbra de Fra Angelico nos remanda a un temps (1207) que "la guèrra" a pas encara començat. Los acaraments an pas daissat encara la plaça a la Crosada "que permetrà la remission dels pecats" (precisa Pierre des Vaux-de-Cernay) e balharà als crosats lo salut eternal.

La terribla guèrra que son odor s'es totjorn pas esfaçiada... (per daissar a l'encòp la paraula a Glaudi Marti e a Marcèla Delpastre) es benlèu ja anonciada dins lo fuòc que crema los escriches catars.

Document n°2: una sòrga

"[54] Miracle. En ce temps-là, il se produisit un miracle que nous croyons digne de mentionner ici. Certain jour, plusieurs de nos prédicateurs, hommes pleins de religion, avaient discuté avec les hérétiques. L'un des nôtres, Dominique, homme de sainteté parfaite... avait rédigé par écrit les arguments qu'il avait employés dans le cours de la discussion et avait remis le papier à un certain hérétique pour qu'il en discutât. La nuit donc, les hérétiques étaient réunis dans une maison, assis devant le feu: celui à qui l'homme de Dieu avait donné le papier le sortit au milieu de leur réunion: ses compagnons lui dirent de le jeter au feu: si le papier brûlait, ce serait signe que la foi (plutôt la perfidie) des hérétiques était vraie: mais, s'il ne brûlait pas, ils reconnaîtraient comme bonne la foi de nos prédicateurs. Qu'ajouterai-je? Tous sont d'accord: le papier est jeté au feu. Mais, après être resté quelque temps au milieu des flammes, il sauta du feu absolument indemne. Devant la stupeur de tous, l'un d'eux, plus endurci que les autres, leur dit: "- Rejetons le papier au feu et alors nous ferons une expérience plus complète de la vérité." Le papier est de nouveau jeté et de nouveau il sort du feu: ce que voyant, cet hérétique, dur et lent à croire, dit: "- Jetons-le encore une troisième fois et alors sans aucun doute nous connaîtrons l'issue de cette aventure." Une troisième fois le papier est jeté, et non seulement il n'est pas brûlé, mais il saute hors du feu absolument indemne. Quant aux hérétiques, malgré des signes si évidents, loin de vouloir se convertir à la foi, ils demeurèrent endurcis et se défendirent formellement les uns aux autres de porter ce miracle à la connaissance des nôtres, mais un certain chevalier qui était avec eux et qui inclinait quelque peu du côté de notre foi ne voulut pas cacher ce qu'il avait vu et il le révéla à plusieurs. Le fait se passa près de Montréal, comme je l'ai appris de la bouche de cet homme extrêmement saint qui avait donné ce papier à un hérétique".

Histoire Albigeoise, Pierre des Vaux-de-Cernay, trad. P. Guébin et H. Maisonneuve, Paris, Librairie philosophique J. Vrin, 1951, p. 22-23

Document n°3: un document de sintèsi

"Chaque parti couche par écrit ses arguments et les citations bibliques sur lesquelles il les fonde. Du côté catholique, on rédige plusieurs mémoires, mais c'est celui de Dominique qui est le plus apprécié, et qu'on décide de mettre en compétition avec celui des hérétiques. On remet alors les deux écrits concurrents aux arbitres qui sont trois. "Malgré une longue discussion, les juges ne parvinrent pas à se prononcer en faveur de l'un ou de l'autre. Il leur vint alors l'idée de les jeter tous deux dans le feu. Si l'un d'eux ressortait indemne des flammes, il contiendrait indubitablement la vraie foi. On fit alors un grand feu et l'on y jeta les deux écrits. Le livre des hérétiques brûla immédiatement. L'autre, celui qu'avait écrit l'homme de Dieu, Dominique, non seulement demeura intact, mais, à la vue de tous, fut rejeté loin des flammes. On essaya de le jeter au feu une deuxième puis une troisième fois. Chaque fois il en ressortit, manifestant ainsi clairement et la vérité de la foi qu'il contenait et la sainteté de son auteur." [...]

Voici alors la question cruciale: L'ont-ils (les catholiques) vraiment jeté au feu pour voir s'il contenait vérité ou mensonge? Ou tout simplement pour s'en débarrasser, parce qu'il les gênait? La seconde réponse est la plus vraisemblable.[...]

On notera au passage que l'iconographie elle-même a amplifié le récit de Jourdain, puisqu'elle montre toujours Dominique présent à l'ordalie, comme s'il l'avait lui-même ordonnée et présidée!

Le souvenir du "miracle du feu" s'ancra si profondément dans le légendaire dominicain qu'on peut toujours voir à Fanjeaux, scellée dans le mur d'une chapelle de l'église Notre-Dame, une poutre calcinée par endroits présentée comme celle du mémorable événement."

Saint Dominique, La légende noire, Michel Roquebert, Perrin, 2003, p 97-113

Tres sesilhas

Preambul

La grasilha seguenta serà donada sistematicament a cada escolan per èsser emplenada pauc a cha pauc amb la descubèrta de totes los documents previstes pel professor, e serà tanben una traça dels escambis de la classa.

Introduccion (es la presentacion del document)
Çò que vesi
(es la descripcion del document)
Çò que pensi
(es un moment de formulacion d'ipotèsis)
Çò que sabi
(es l'explicacion
del document)
   
Conclusion

Sesilha 1

Objectius: emplenar la colona d'esquèrra de la grasilha: "çò que vesi" e far d'ipotèsis de sens per començar d'emplenar la colona centrala "çò que pensi".

Dins aquesta premièra sesilha, se trabalha sonque sus lo quadre, e sens donar la legenda a la debuta.

Òm part d'una presentacion del tablèu que lo situa istoricament sens ne desvelar lo subjècte. Seriá melhor de lo donar de veire dins son encastre, lo tablèu bèl de Fra Angelico. Dire çò qu'es una predèla (una seria de panèus pichons que son dispausats jol tablèu bèl. Sèt panèus contan aicí la vida de Sant Domenge).

Lo professor presenta, explica e endralha lo trabalh de faire sul tablèu: Fra Angelico, (es un religiós), pintrèt lo tablèu al sègle XV. Lo tablèu remanda a un episòdi, plan important de la Crosada contra los Albigeses, que se debanèt en 1207 a Fanjòus dins Aude.

"Sabètz que lo tablèu es a l'encòp una òbra personala, una comanda destinada a un luòc, e veïcula un messatge. Vòstre ròtle es de tornar descubrir lo discors del pintre."

Pel professor: Fasa d'observacion guidada, sens tròp...

"I a de personatges dins un ostal"; "d'autres son davant l'ostal"; "i a de monges"; "de blau..."; "Es mirgalhat"; "Òm vei de personatges"; "La scèna se debana dins un ostal"; "dins un castèl"; "Òm vei una pòrta e un fenestron"; "Es l'ivèrn"; "A drecha, i a un grop d'òmes e a senèstra tanben"; "I a un fuòc"; "E un libre dins l'aire..., que vòla..., sul fuòc..."; "Un libre qu'òm geta dins lo fuòc"; "D'unes an un capèl"; "I a quatre òmes d'un costat (Son a esquèrra o a drecha? interven lo professor) e tres de l'autre part de la sala"; "lo meteis òme es dedins e defòra".

Denotar es relevar totes los indicis que permetràn d'ipotetizar... veire la situacion dins l'espaci es fòrça important. La composicion deu res a l'azard. Aicí los catolics, mai nombroses, son a la drecha del fuòc... de Dieu? Los Albigeses son dins l'error, del marrit costat...

Lo professor provesís los escolans de debutas de frasas: "Vesi que... lo fuòc crema plan; Lo pintre a pintrat... de flamas plan bèlas e plan rojas."

Porgís tanben los elements utils: "Se vos plai, cossí se ditz... lo mot "discussion", "des bijous", "brûler", "opposition", "débat", se chauffer, une bourse d'argent, un moine, des religieux, un saint, une auréole?"

S'agís pas de descriure tot, mas de metre en memòria d'indicis jutjats importants... lo professor met sus la dralha amb sas questions... fasent reformular: "Per quina rason lèva las mans aqueste personatge? Que sembla agachar? Sembla susprés, pareis en colèra? d'efièch s'avisan que lo libre e lo fuòc son lo nos del tablèu. Alara que se passèt a Fanjòus?"

Fasa d'interpretacion, ensages

Lo professor marca las idèas del escolans al tablèu.

"Me fa pensar a una discutida"; "Es una entrevista"; "Es un acarament"; "Son pas d'acòrdi alara creman lo libre..."

Lo professor ajudarà a formular las analisis personalas e la discutida:

"Disi que parla de politica per de que me sembla que i a un rei."

"Ieu, pensi qu'es de religion que l'òme vestit en blanc es lo Papa."

"L'imatge representa dos moments d'un eveniment."

"La scèna del fuòc me pareis mai importanta..."

"Pensi que los personatges discutisson"; "A mon vejaire son pas d'acòrdi entre eles per de que parlan pas ensemble..."; "Son separats pel fuòc"; Quina pòt èsser la rason d'aqueste acarament?; "Es la religion"; "Los catars an getat un libre dins lo fuòc!" Es lo moment de trabalhar la "connotacion". Cossí se ditz lo libre sant dels catolics?

"Soi pas segur mas pensi que vòl dire l'artista lo moment que los catars an escampat la Bíblia dins lo fuòc." Pensatz qu'a rason? Los aurián daissar faire los catolics?

E se vos disi, ara, que i a pas un mas dos libres sus l'imatge! Ont es lo segond? E que se passèt? Agachatz lo títol del tablèu!

Sesilha 2

Objectius: raportar al document iconografic un document textual d'epòca que lo cronicaire publiquèt son libre cinc ans après los eveniments.

La lectura permetrà de rampelar las ipotèsis de sens fachas dins la sesilha precedenta, e dobrirà de perspectivas istoricas mai precisas. Començar d'emplenar la colona "çò que sabi" de la grasilha.

Pel professor: per comprene lo document n°2, Histoire Albigeoise, de Pierre des Vaux-de-Cernay.

L'objectiu de l'estudi d'aquel tèxt, que ven completar la descubèrta del quadre, es de balhar lo vejaire de la Glèisa catolica sus l'afar. Dieu interven e condemna los eretics en cremant son libre.

Lo tèxt ven esclairar lo tablèu tanben: çò representat es pas lo libre que tomba dins lo fuòc... lo messatge del pintre es aqueste: mentre que la Bíblia sortís de las flambas... lo libre dels eretges (nòta per la classa: es la Bíblia tanben!) es dins lo fuòc, e crema el.

De faire relevar per la classa:

  • l'idèa d'acaraments, d'acamps contradictòris (les arguments qu'il avait employés dans le cours de la discussion).
  • l'idèa que l'autor es catolic (nos prédicateurs, hommes pleins de religion, avaient discuté avec les hérétiques).
  • l'idèa qu'es lo fuòc que va dire lo camp de l'error e lo de la fe.
  • l'episòdi (en tres actes) del miracle.
  • lo refút d'i creire del costat dels eretges. Faire relevar lo lexic.
  • faire emergir l'idèa (benlèu de la parcialitat de l'autor) e la necessitat d'aver un agach istoric, distanciat, objectiu, scientific sus l'afar. Vos prepausam lo document 3.

Escambis e bastison del sens

Pauc a cha pauc tòrnan bastir, dins l'escambi, en s'apiejant sus mai d'un document, lo sens del tablèu. Legir es far la sintèsi del sens e la comunicar.

Lèu arriban a dire que: "Lo libre catolic crema pas alara que desapareis lo libre dels Albigeses. Es lo miracle de Fanjòus. Dieu es intervengut dins l'acarament." Tot precisant qu'es lo discors d'un òme, catolic, del sègle xv.

Sesilha 3

Objectius: far de comparasons, reglar los comentaris e esboçar una sintèsi. Emplenar la grasilha tota.

Legir lo tèxt 3, comparar amb lo 2, tornar legir lo tablèu amb aqueles esclairatges novèls.

Pel professor: per comprene lo document n°3, Saint Dominique, La légende noire, de Michel Roquebert.

Retrobam l'afar del miracle de Fanjeaux (o Montreal?), retrobam los escriches dels catolics e los dels eretges, lo jutjament del fuòc, e la decision divenca.

De faire relevar per la classa:

  • l'idèa que podèm per d'unes punts creire Pierre des Vaux-de-Cernay.
  • Mas l'istorian, especialista del catarisme, s'interròga e respond! Lo tabléu (foguèt expausat dins una glèisa per ensenhar los cresents) es l'òbra de Fra Angelico... es un dominican. Lo tèxt de Pierre des Vaux-de-Cernay es lo vejaire d'un catolic... per l'istorian le messatge del tabléu e del tèxt es parcial. La veritat istorica es endacòm mai. Escampèron lo libre al fuòc que geinava, per lo faire desaparéisser. (pour s'en débarrasser, parce qu'il les gênait.) Un jorn, sèm en 1207, seràn los òmes que periràn sul lenhièr. Après lo moment de la Predicacion vendrà lo temps de la Crosada... e après lo de l'Inquisicion: vaquí una periodizacion que permet als liceans de melhor comprene la Crosada contra los Albigeses sens se perdre dins una cronologia longa. La posicion scientifica de M. Roquebert ven confortar çò que d'unes dins la classa avián poscut prepausar.
  • Çò qu'espantarà los joves es qua las marcas del libre se pòdon totjorn veire a Fanjòus. (une poutre calcinée par endroits présentée comme celle du mémorable événement.) Miracle i aguèt!?

Descriure un document iconografic es, pels joves, resòlver una situacion problèma. Es tanben una enquèsta policièra.

Es pel professor s'arrestar sus un eveniment que constituís pels occitans, pel professor que coneis Pierre Nora et ses Lieux de mémoire un brave "luòc de memòria".

Lo miracle del libre marca la fin de la predicacion.

La crosada pòt començar (lo papa Innocent III demandèt als barons del nòrd de forçar los catars a renonciar a "l'eresia" e autorisèt lo recors a la fòrça) legitimada per un passatge de la Bíblia, la parabòla del ric. Aguent organizat un repais e vesent que sos convidats refusavan de venir, lo ric demandèt a sos servicials de los anar cercar, de los obligar a venir. (Sant-Luc, capitol 14) "Obliga-los a venir!".

La persuasion daissa la plaça a la violéncia.

Lenga e país d'òc, n°43, page 45 (10/2005)
Lenga e país d'òc - Una sequéncia a l'entorn d'un tablèu